Haqqımızda

Game on təsisçisi haqqında

Karim Karimov

2014-cü ildə Barselona Universitetinin hüquq fakültəsindən məzum olmuşam. Hüquq sahəsində qazandığım bilik və təcrübələri hal hazırda Barselonada futbol agenti kimi uğurla tətbiq etməyə çalışıram. Uşaq vaxtlarımdan ən böyük marağım və məşğuliyyətim futbol olub. Hazırda Barselonada həvəskar liqada aktiv futbol oynayıram. Real Madrid azarkeşi olsam da, Barselonada yaşayıram və buradakı futbol mədəniyyətinin bir hissəsi olmaqdan çox məmnunam. Əksər Azərbaycanlı futbol azarkeşi kimi mənim də ən böyük arzum yaxın gələcəkdə milli komandamızın Dünya Çempionatında uğurlu oyunlarını görməkdir və fikrimcə bunun ən başlıca yolu uşaq futboluna xüsusi diqqətin ayrılmasıdır.

Təsisçisi olduğum Game On – Barcelona Futbol Agentliyindən əlavə olaraq, Barselonada fəaliyyət göstərən Azərbaycan Mədəniyyət Mərkəzinin (Casa Azerbaiyan) direktoru və “Barselonadakı Azərbaycanlılar Cəmiyyəti”nin sədriyəm.

daha ətraflı :   www.azsocietybcn.org

Game On futbol agentliyi olaraq bir çox əsas yerli ispan klubları ilə yaxından rəsmi əməkdaşlıq edirik və bu uğurlu əməkdaşlıqlar sayəsində avropanın bir çox ölkəsindən olan azyaşlı futbolçuların İspaniyada futbol karyeralarına başlamaqda kömək oluruq. Bir çox ölkələrlə əməkdaşlıq etsək də, ən əsas məqsədimiz Azərbaycandan olan gənc oyunçuların bacarıqlarını qiymətləndirmək, onları ispan futbol metodologiyası ilə yaxından tanış etmək və yüksək futbol standartlarına uyğunlaşdırmaq məqsədilə texniki, taktiki, psixoloji və bədən tərbiyəsi təlimləri ilə təmin etməkdir.

Dünyanın ən başlıca futbol ölkələrindən sayılan İspaniyada yüksək rəqabətli futbol dünyasından və zirvələrə çatmağın çətinliklərindən xəbərdarıq, lakin inanırıq ki, buna nizam-intizam, inam və zəhmətlə nail olmaq olar.

Məqsədimiz təmsil etdiyimiz oyunçulara meydanda və meydandan kənarda düzgün təlimat verməklə ambisiyalarına nail olmaqda kömək etməkdir. Futbolla yanaşı təhsil də İspaniyada inteqrasiya prosesinin mühüm hissəsidir. Reallıq budur ki, əgər gənc futbolçunun karyerası planlaşdırıldığı kimi getməsə, hər bir futbolçunun ehtiyatda olması üçün təhsil alması lazımdır. Təhsilli futbolçu özünü, dünyanı və oyunu daha yaxşı başa düşə bilir.